Миссия Информарус
Главная » Даниил Московский » Источники информации » Повесть из сборника Синод. библиотеки

Источник

Повесть о великом князе Данииле Александровиче Московском и всея России чудотворце

Сей блаженный великий князь Даниил, четвертый сын святого и приснопамятного великого князя Александра Ярославовича Невского, от великого же князя святого и равноапостольного Владимира бысть девятый степень, от Рюрика же вторый надесять степень, иже бысть последний из братии своей, и якоже и прадед его великий князь Всеволод Георгиевич, ихже уподоби Господь древнему царю, Богоотцу же и пророку Давиду, мал бо был и тот в братии своей: тако и сего блаженного великого князя Даниила храняй Господь от пелен матерних, двою бо лет от рождения его оставльшуся ему от святого своего родителя, сего блаженного Даниила избра Господь, и возрасти, и снабде нератуема ни от кого же, ему же и поручено бысть в наследие богоснабдимое державство преименитого града Москвы. Его же и праведное семя возлюби Бог и прослави наипаче, имже благоволи царствовати в роды и роды, аще же тогда царство Московское не толико бысть многовластно, якоже ныне Божиею благодатию всюду обладая, но обаче и тогда сий блаженный князь Даниил ни от кого же ратуем бываше, егдаже некогда и случашеся в братии его и в сродницах междуусобной брани близ державы его воздвигнутися , он же боголюбивого желания муж, аще возрастом и храбростию преуспевая и мужеством смысла преудобрен бысть, но обаче смиренномудрия рачитель, всегда тщашася готов бытии и на враждующих ему мужествен вооружашеся, и с воинством своим противу браней исхождаше, и Богом дарованною ему мудростию без кровопролития брань утоляше, и мир составляше, ибо все время государства своего мирно поживе и от всякой брани и крамолы хотящих на него быти всегда десница Господня защищала его, и во вся дни живота его, ничимже ни от кого вреждена бысть держава его, такоже и сам чужия части похищением наследити не желаше, довольно имея со благодарением уреченный[1]назначенный (прим. редактора). свой жребий, во благословенное наследие дарованной ему державы преславного города Москвы. Старейшие иже братии его, державствоваху кийждо по своему жребию. Великий князь Димитрий – в Переяславле, иже на озере, при немже бысть в Переяславле преосвященный Кирилл митрополит, идеже и преставися к Богу, тело же его везоша в Киев и положиша в церкви святой Софии, в егоже место бысть митрополит Максим, гречанин, сий же митрополит Максим не терпя насилия от татар, иде из Киева во град Владимир со всем клиросом месяца априлия в 18 день, епископу Владимирскому Симеону поручи Ростовскую епископию.

О побеждении татар на Рязани. Глава 4

Уже бо тогда честь и слава великого княжения восхождаше на боголюбивый град Москву, в немже хотяше Бог сугубо прославити святое Свое имя, идеже первосвятительство и боговенчанное царство утвердити благоизволи богоснабдимый же великий князь Даниил Александрович. Некогда слыша, яко у града Рязани множество татар собирахуся, и тамо шествова с воинством своим возбранити устремление варварское, дóндеже не придут озлобити отечество его, и у града Переяславля Рязанского множество татар победи и князя Константина Рязанского изымав и к Москве приведе.

О восприятии града Переяславля и о получении начальства державы

Прежде же того брату его великому князю Димитрию к Богу отшедшу, потом же другой брат его великий князь Андрей в орду пойде, по сих и братанич его великий князь Иоанн Димитриевич Переяславский преставися к Богу, державу же свою Переяславль по завещанию своему поручи отроку своему, сему блаженному великому князю Даниилу, и тако по Бозе первоначалие российского скипетродержавия без крамолы прикладашеся ему, он же смиренномудрия рачитель сие пророческое слово во уме имея, якоже пишет, богатство аще течет не прилагайте сердца, тако и сей державной вознесеся мыслию, еже бы желати начальства державы, аще и прикладашеся ему, но кротостию нрава утвержашеся, и о державном первоначальстве не услаждашеся, но паче страхом Божиим ограждашеся, и братолюбием приспеваше, и славохотия уклоняшеся, и сего рода благодать Божия умножашеся на нем, и держава распространяшеся, и не хотяше сам преходити от места на место, во град же Переяславль посла наместники своя, брата же его великого князя Андрея наместницы отбегоша из Переяславля, и тако без крамолы державу имея.

О начале Даниловского монастыря и о пострижении и о преставлении блаженного великого князя Даниила. Глава 4

Сам же великий князь Даниил на Москве богоугодно государствуя, идеже монастырь честен возгради, иже зовется Даниловский; тогда же в нем и церковь постави во имя преподобного отца нашего Даниила Столпника, в той же монастырь и архимандрита первого устрои, и тако теплейшим к Богу желанием в той честной обители, и сам сподобися пострижен быти в святый ангельский образ, богоподражательного иноческого жития, и тако в последнем смиренномудрии к желаемому Христу отъиде в лето 1303 месяца марта в 4 день, конечного же ради смирения, не изволен в церкви положен бытии, но на монастырь, идеже и прочую братию погребаху, тогда же сына его, великого князя Юрия, переяславцы взявши к себе государствовати, егоже и на погребение ко отцу не пустиша, потом же и великий князь Андрей Александрович прииде из орды, и во иноческий образ облечеся и во смирении покаяния преставися к Богу, месяца иуня в 27 день и положен бысть на Городце иже на Волзе.

О пренесении Даниловского монастыря во град Москву. Глава 5

Последи же сих летом двадесяти и седми прешедшим, 6838 (1330) месяца мая в 1 день великий князь Иоанн, зовомый Калита, сын сего блаженного великого князя Даниила Александровича, той же монастырь Даниловский и со архимандритиею преведе внутрь града Москвы, на свой царский двор, идеже церковь постави во имя боголепного Преображения Господа Бога и Спаса нашего Иисуса Христа, и монастырь честен устрои. Древний же монастырь Даниловский и все наследие Даниловского монастыря, и самый погост Данииловский, и иные села Даниловские вручи архимандриту святого Спаса, да вкупе оба монастыря под единым началом паствы не скудно устраяются, мноземже летом прешедшим и монастырь Даниловский оскуде нерадениием древних архимандритов спаских, яко ни следу монастыря познаватися, токмо едина церковь оста, и прозвася место оно сельцо Даниловское.

О пренесении того же монастыря на новое. Глава 6.

Монастырь Всемилостиваго Спаса, пребысть внутри града, на царском дворе, до лет благочестивого великого князя Иоанна Васильевича, той великий князь Иоанн Васильевич всея России самодфржец, иже бысть седмый степень от сего блаженного великого князя Даниила, внук великого князя Василия Димитриевича, зовомого Доского (sic), и сей самодержец во дни державства своего паки из града Москвы преведе той же монастырь и постави его на новом месте, над Москвою рекою, на горе Крутице обон пол[2]по ту сторону (прим. редактора) от древнего Даниловского места, яко зримо едино поприще, иже и доныне зовомо есть великая та обитель на новом, во граде же на дворе царском у церкви Христова Преображения устроен бысть собор мирских иереев и протопопов.

О явлении великого князя Даниила к юноше некоему. Глава 7

Сему же великому князю Иоанну Васильевичу всея России самодержцу, некогда грядущу мимо Данииловского места, идеже бяху честные мощи блаженного великого князя Даниила, юноша один от вельможеских чад, от полку его, коню под ним подкнувшуся и един бяше на пути оста, и внезапу явися ему незнаем человек, егоже видев устрашися, и глаголя ему явившийся, не бойся не бойся мене. Аз бо есмь христианин, месту же сему господин есмь, имя же мое великий князь Даниил Московский. Богу же изволившу положенну бытии ми зде, в Данииловском сем месте, ты же юноша шед рцы великому князю Иоанну, се убо сам всячески себе утешавши, мене же почто забвению предал еси, но обаче аще он забвена мя иматьг Бог же мой несть мене забыл никогдаже, и сия рекл, невидим бысть, юноша же абие всед на конь свой, и скоро достиже великого князя, егоже виде великий князь дряхла и ужасна и испадша лицом, глагола ему, где закосне[3]замедлил (прим. редактора), и от кого устрашися, трепетен прииде семо, юноша же сказа ему все подробну, яже виде и слыша, великий же князь от того времени устави пети соборныя понахиды и божественные службы, и милостыню, и трапезное учреждение об отшедших душах иже во благочестии поживших сродствия своего еже, и доныне непременно есть таковое милостивое царское законноположение и учреждение.

Чудо о князе Иоанне Шуйском. Глава 8

Некогда же христолюбивый великий князь Василий Иоаннович, всея России самодержец, иже последи бысть во иноцех Варлаам, иже осмый степень блаженного сего великого князя Даниила, также грядый на некое свое царское орудие, снимже множество синглита[4]совет вельмож (прим. редактора) его, вних же бе князь Иоанн Михаилович Шуйской, и сему бывшу близ церкви святого Даниила, идежф бяху мощи блаженного великого князя Даниила Александровича, на фгоже гроб от древних лет положен бысть камень. Тойже князь Иоанн Михаилович Шуйской, вступи на той камень, с негоже нача вседати на конь свой. Христианин же некто прилучися ту и возвести ему глаголя: Господине княжеЭ не дезарьсь камени сего всести на конь свой. Ведый буди, яко лежит тут великий князь Даниил. – Князь же Иоанн, виде тогда место оно Данииловское яко небрегомо, и христианина обличающа его яко невежу вменяя и небрегий о словесех его, и спроста огвеща глаголя, мало ли есть тех князей, и вседающу ему на конь, и внезапу конь воздымяся и паде на землю и умре, князя же еле жива испод коня подняша, князь же раскаявся о своей дерзости, и повеле иерею молебен пети о своем прегрешении, понахиду пети по великому князю Даниилу, и здравие получи молитвами блаженного и великого князя Даниила.

Чудо о купце. Глава 9

По сих же времени немалу прешедшу, во дни благоверного царя и великого князя Иоанна Васильевича всея России самодержца девятой степени, сего великого князя Даниила Александровича, купец некий, житие имея во граде Коломне, и сему некогда с куплею со своею пловушу в ладиицы ко граду Москве, снимже бяше сын его юноша, семуже юноше случися тогда болезнь сильна толико, яко и живота отчаятися, и последнее дышущу , и егда быша пловуще против церкви идеже бяху честныя мощи блаженного великого Даниила, купец же сына своего болящего взем и принесе ко гробу святого и великого князя Даниила, и повеле служащему тоя церкви иерею пеги молебен, сам же с великою верою и со многими слезами моляшеся Богу, призывая в молитву угодника его великого князя Даниила, прося живота сыну своему, и на честный его гроб полагаше сына своего, и абие сын его яко от сна возбнув, и здравие от болезни получи, и взем сына своего исцелевша, и отыиде славя Бога, и святого великого князя Даниила, к нему же оттоле велию веру притяже и в прочая лета, в оньже день получи сын его исцеление, прихождаше ко гробу святого, молебная совершая благодарения и милостыню сотворяя.

Об обновлении монастыря. Глава 10

Боговенчанный же и великий князь Иоанн Васильевич, всея России самодержец, виде небрегомо место оно Данииловское, яко забвению подлежимо, идеже бяху честныя мощи блаженного сего и великого князя Даниила, и устави по вся лета сам приходити на место то, такожде и митрополиту со освященным собором и понахиды и службы яже о нем совершати. И повеле церковь каменнупоставити, и монастырь воздвигнути, и келлии возградитии и иноков собрати, и общее житие составити, еже и бысть благодатию Христовою и молитвами святого и блаженного великого князя Даниила, его же ради, Христе Боже наш, помилуй нас, ныне и присно и во веки веков. Аминь.

О зачатии царствующего града Москвы, како исперва зачася. Глава 11

Приидя из великого нова града в Володимир великий князь Александр Ярославич, и пойде во орду к Батыю, видев же его Батый, удивися величеству и доброте его и, почтив его, отпусти.

В лето 6771 (1263), ноембрия в 14 день преставися великий князь Александр Ярославич Невский в схиме, и положен бысть в Володимере в церкви Рождества Пресвятой Богородицы, сего сынове: Василий, Димитрий и Андрей, Даниил Московский, – и по нем начаша княжити в Российской земле братия и сынове его. В таже лета быша на Российскую землю от татар насилства и зла многа, быша же сынове великого князя Даниила Московского: Юрий, Александр, Борис, Иоанн, Афанасий, – бысть же княжение сынов Александровых и великого князя Даниила Московского лет 40. Сей великий князь Даниил паче возлюби на Москве жительствовати, и созда град Москву паче перваго и жители насели, бе бо добродетелен и нищелюбив по премногу, и к Богу имяше веру велию, и молитвы и слезы велии, и от того времени прославися и паче Москва град, поживеже на Москве великий князь Даниил Александрович, лет 12[5]В родословной № 812 Библиотеки Ундольскаго на л. 20
сказано: „Да князь великий Даниило Московский (12)
иже начат княжити на Москве, великого князя Данииловы
сынове: князь Юрий да князь Александр да князь Владимир
да князь великий Иван Калита (13), – исправи Русскую
землю от татей и разбойников». Мне кажется, летописец
12 главу или род счел за 12 лет жизни князя Даниила
в Москве.
и преставися в лето 6811 (1303) месяца марта в 4 день и положен бысть в своем Данииловском монастыре.

Список литературы

  1. назначенный (прим. редактора).
  2. по ту сторону (прим. редактора)
  3. замедлил (прим. редактора)
  4. совет вельмож (прим. редактора)
  5. В родословной № 812 Библиотеки Ундольскаго на л. 20 сказано: „Да князь великий Даниило Московский (12) иже начат княжити на Москве, великого князя Данииловы сынове: князь Юрий да князь Александр да князь Владимир да князь великий Иван Калита (13), – исправи Русскую землю от татей и разбойников». Мне кажется, летописец 12 главу или род счел за 12 лет жизни князя Даниила в Москве.
Оцени статью - помоги проекту:

( 1 голосов, среднее: 5,00 из 5 )
Загрузка...

Опубликовано: 16.04.2021
Изменено: 25.04.2021

Чесноков Константин Иванович
Биограф, историк, публицист
Добрый день! Интересуюсь историей ещё со школы и убеждён, что изучение биографий выдающихся личностей не только обогащает знаниями, но и помогает лучше прочувствовать дух разных эпох.

Помните совет Ломоносова: "Народ, не знающий своего прошлого, не имеет будущего"
P.S. Найти наши статьи в Google и Яндекс легко - просто набери в конце запроса "информарус", например:
"внешняя политика княгини Ольги информарус"