Миссия Информарус
Главная » Иван I Калита » Источники информации » Новгородская летопись
31 мин

Внимание! В данном отрывке приведены события описывающие правления не только Иванна I Калиты, но и его предшественников, так как это даёт возможность понять контекст противостояния Москвы и Твери, а также участия Орды в данных политических событиях Северо-Восточной Руси.

В лЂто 6827 [1319]. Уби цесарь въ ОрдЂ князя ТфЂрьского Михаила, а великое княжение дасть Юрью, и сына Михаилова Костянтина, и бояры его; и присла князь Юрьи в Новъгород брата Афанасья.

В лЂто 6828 [1320]. Ходи князь Юрьи ратью с братомъ Иваномъ на Рязань на князя Ивана Ростиславьского, и доконцаша миръ.

В лЂто 6829 [1321]. Ходи князь Юрьи ратью на Дмитрия Михаиловича ТфЂрьского и приде в Переяславль с полкы. И ту присла князь Дмитрии владыку тфЂрьского, и докончаша миръ на дву тысячю серебра, а княжения великого Дмитрию не подъимати.

Того же лЂта, мЂсяца июня 26, бысть знамение въ солнци пред обЂднею: чисту сущю небу, внезапу померче солнце яко на час, и бысть яко мЂсяць 5 ночии, и тма бысть яко в зимнюю ночь, и пакы наиолнися по малу; и ради быхом.

В лЂто 6830 [1322]. Приде князь Юрьи в Новъгород, позванъ новгородци, и повелЂ порокы чинкти.

Тогда же приходиша НЂмци ратью къ КорЂльскому городку и не взяша его.

Того же лЂта поиде князь великыи Юрьи с новгородци къ Выбору, городу нЂмецьскому; и биша и 6-ю пороковъ, твердъ бо бЂ, и избиша много НЂмедь в городЂ, а иныхъ извЂшаша, а иныхъ на Низъ поведоша; и стоявше мЂсяць, приступиша и не взяша его, но за грЂхы наша нЂколико муж добрыхъ паде.

Того же лЂта преставися князь Афанасии, брат Юрьевъ, постригъся в черньци; и положиша и у святого Спаса на Городищи.

Того же лЂта ходи князь Дмитрии Михаиловичь въ Орду, и подъя великое княжение.

Того же лЂта приходи в Русь посолъ силенъ изъ Орды, именемь Ахмылъ, и много створи пакости по Низовьскои земли, много посЂче христьянъ, а иных поведе въ Орду. Князь же Юрьи пришедъ от Выбора, и поиде на Низъ, много моливъ новгородци, а быша и проводили. И бывшю ему на УрдомЂ, и ту князь Александръ Михаиловичь со ТфЂри нападе на нь, да князь Юрьи самъ убЂжа в малЂ и вбЂжа въ Пльсковъ, а товаръ его всь разграбиша, а въ Пльско†бяше Литовьскыи князь Давыдко; и оттолЂ призваша и новгородци по крестному цЂлованию.

В лЂто 6831 [1323]. Ходиша новгородци съ княземь Юрьемь и поставиша город на усть Невы, на ОрЂховомь островЂ; ту же приЂхавше послы великы от свЂиского короля и докончаша миръ вЂчныи съ княземь и с Новымьгородомь по старои пошлинЂ.

Того же лЂта воеваша Литва Ловоть, и угониша ихъ новгородци, и биша я, а инии убЂжаша.

Того же лЂта заратишася устьюжане с новгородци, изъимаша новгородцевъ, кто ходилъ на Юргу, и ограбиша ихъ.

В лЂто 6832 [1324]. Идоша новгородци с княземь Юрьемь на Заволочье, и взяша Устьюгъ на щитъ, и придоша на Двину, и ту прислаша послы князи устьюжьскыи къ князю и к новгородцемъ и докончаша миръ по старои пошлинЂ; и придоша новгородци вси здорови; а князь Юрьи поиде въ Орду изъ Заволочья по КамЂ рЂцЂ.

Того же лЂта свершиша Христову камену церковь, и свяща ю владыка Давыдъ.

Тои же зимы преставися архиепископъ новгородьскыи Давыдъ, мЂсяца февраря 5, на память святои мученици Агафьи; и положиша и въ притворЂ у святои Софьи, посторонь Климента.

Тогда же сдумавше новгородци и игумени и попове и черньци и всь Новъгород, възлюбиша вси богомь назнаменана Моисия, преже бывша архимандритомь у святого Георгия, потомь вышелъ бяше по своеи воли къ святои Богородици на Коломци въ свои манастырь, и възведоша и на сЂни, и посадиша и въ владычни дворЂ, дондеже позоветь его митрополитъ.

В лЂто 6833 [1325]. Приде изъ Орды князь Олександръ Михаиловичь, и Татарове с нимь должници, и много бысть тяготы на Низовьскои земли.

Того же лЂта поЂха владыка Моисии к митрополиту ставитъся на Москву; и привезоша при нем князя великого Юрья изъ Орды, сына Данилова, внука Александрова, и погребоша и митрополитъ Петръ и архиепископъ Моисии и тфЂрьскыи епископъ Варсонофии и ростовьскыи епископъ Прохоръ, рязаньскыи епископъ Григории, в суботу поста; и плакася его князь Иванъ и всь народ плачемь великым, от мала и до велика: убилъ бо и бяше въ ОрдЂ князь Дмитрии Михаилович безъ цесарева слова; не добро же бысть и самому: еже бо сЂеть человЂкъ, тоже и пожнеть.

В лЂто 6834 [1326]. ПриЂха в Новъгородъ поставленъ архиепископъ Моисии, во вторник на вербьнои недЂли.

Того же лЂта, мЂсяца августа 28, загорЂся на Бояни улкЂ, и погорЂ до половины Рогатици, а Славкова улица от Дмитрия святого и до поля и церкы святого Климента сгорЂ.

Того же лЂта уби цесарь въ ОрдЂ князя Дмитрия Михаиловича.

Тои же зимы преставися митрополить Петръ всея Руси на МосквЂ, и положиша и въ церкви святыя Богородица, юже самъ началъ здати камену; молитвами его у гроба его створи богъ чюдеса.

Того же лЂта приЂхаша послы из Литвы: брат ГЂдиминовъ князя Литовьского Воини Полотскыи князь, Василии МЂньскыи князь, Федоръ Святьславич; и докончаша миръ с новгородци и с НЂмци.

В лЂто 6835 [1327]. Бысть мятежь в НовЂгородЂ, и пограбиша дворъ Остафьевъ Дворянинцевъ и пожгоша всь.

Того же лЂта постави церковь святои богородици Рожество архиепископъ Моисии въ ДесятинЂ.

Того же лЂта, на УспЂнье святыя богородица, князь Александръ Михаиловичь изби Татаръ много во ТфЂри и по инымъ городом, и торговци гость хопыльскыи исЂче: иришелъ бо бяше посолъ силенъ изъ Орды, именемь Шевкалъ, съ множествомъ Татаръ. И присла князь Олександръ послы к новгородцемъ, хотя бЂчи в Новъгород, и не прияша его.

Того же лЂта присла князь Иванъ Даниловичь намЂстникы своя в Новъгород, а самъ иде въ Орду. На ту же зиму приде рать татарьская множество много, и взяша ТфЂрь и Кашинъ и Новоторжьскую волость, и просто рещи всю землю Русскую положиша пусту, толко Новъгород ублюде богь и святая Софья. А князь Олександръ вбЂжа въ Пльсковъ; а Костянтинъ, брат его, и Василии в Ладогу; и в Новъгород прислаша послы Татарове, и даша имъ новгородци 2000 серебра, и свои послы послаша с ними к воеводамъ съ множествомь даровъ. Убиша же тогда Татарове Ивана, князя Рязаньского.

В лЂто 6836 [1328]. Ходи князь великыи Иванъ Данилович и Костянтинъ Михаилович, а новгородци от себе послаша Федора Колесницю, въ Орду кь цесареви; и отпусти я цесарь, повелЂвъ искати князя Александра. И посла князь Иванъ свои послы, а новгородци от себе владыку Моисия и Аврама тысячьского къ князю Олександру въ Пльсковъ, веляче ему, абы пошелъ въ Орду, и не послуша.

Того же лЂта погорЂ Юрьевъ НЂмецьскыи всь и божници ихъ, и полаты каменыи скрушившеся падоша; и сгорЂ НЂмець в полатахъ 2000 и 500 и 30, а Руси 4 человЂкы.

В лЂто 6837 [1329]. Приде в Новъгород на столъ князь великыи Иванъ Даниловичь, внукъ Олександровъ, марта 26, на сборъ архангела Гаврила; бяху же с ним и тфЂрьскыи князи Костянтинъ и Василии, и Олександръ Суждальскыи, и иныхъ много русскыхъ князии.

Того же лЂта убиша въ Юрье†новгородского посла мужа честна Ивана Сыпа.

Того же лЂта приходи в Новъгород митрополитъ, Грьчинъ родомь, именемь Феогностъ.

Того же лЂта поиде князь Иванъ со всЂми князи и с Новымьгородомь къ Пльскову ратью; и увЂдавше пльсковичи, выпровадиша князя Олександра от себе, а къ князю Ивану и к новгородцемъ прислаша послы с поклономь въ Опоку, и докончаша миръ.

Тои же зимы избиша новгородцевъ, котории были пошли на Юргу, устьюжьскыи князи.

Того же лЂта безъ князя и без новгородцевъ загорЂся ОндрЂшковъ дворъ въ ПлотникЂхъ, и погорЂ и до Федора святого, и потом на тои же недЂли погорЂ Ильина улица мало не вся и Лубяница, и церкы святого Спаса и святого Лукы сгорЂ.

В лЂто 6838 [1330]. Пострижеся въ скиму архиепископъ Моисии, по своеи воли, и много молиша и новгородци всЂм Новымьгородомь с поклономь абы пакы сЂлъ на своемь престолЂ, и не послуша, но благослови я, рекъ:

«изберЂте от себе мужа такого достоина, а язъ васъ благословляю».

И много гадавше новгородци, и быша безъ владыкы съ 8 мЂсяць, и възлюбиша всь Новъгород и игумени и попове богомь назнаменана Григорья КалЂку, мужа добра и смЂрена, попа бывша у святою Козмы и Демьяна на Холопьи улици; и пострижеся въ святыи ангельскыи образъ, мЂсяца генваря, и нареченъ бысть Василии, и посадиша и въ владычни дворЂ, дондеже послють к митрополиту.

Тои же зимы приЂхаша послове от митрополита из Велыньскои земли Федорко и Семенко, на страстнои недЂли, позыватъ на ставление.

Того же лЂта поставиша Василья въ Велыньскои земли в Новъгородъ.

В лЂто 6839 [1331]. МЂсяца ноября въ 30, на память святого апостола АндрЂя, бысть помрачение въ солнци и стоя от 1-го часа до 3-го.

(Вставка из Новгородской первой летописи младшего извода)

Того же лЂта поиде князь великыи Иванъ в Орду со княземъ Костянтиномъ.

(Конец вставки)

В лЂто 6840 [1332]. Въсташа крамолници в НовЂгородЂ, и отъяша посадничьство у Федора у Ахмыла и даша Захарьи Михаиловичю, и пограбиша дворъ Смена Судокова, а брата его Сенефонта села пограбиша.

Того же лЂта великыи князь Иванъ приде изъ Орды и възверже гнЂвъ на Новъгородъ, прося у нихъ серебра закамьского, и в томъ взя Торжекъ и БЂжичьскыи верхъ за новгородскую измЂну.

Том же лЂтЂ отъяша посадничьство у Захарья и даша МатфЂю.

В лЂто 6841 [1333]. Приде князь Иванъ в Торжекъ съ всими князи низовьскыми ис рязаньскыми, и присла в Новъгородъ, сведе намЂстникы а самъ сЂде в Торжьку от Крещения до Сбора, теряя волость Новгородьскую. И послаша новгородьци послы, зовуче его в Новъгород: архимандрита Лаврентия, Федора Твердиславлича, Луку ВалъфромЂева; и онъ молбы не приялъ, а ихъ не послушалъ, а миру не да, поЂха прочь.

Того же лЂта архиепископъ новгородьскыи Василии постави городъ каменъ въ два лЂта, и архимандритъ святого Юрья Лаврентии постави стЂны святого Юрья силою саженъ и съ заборолами.

(Вставка из Новгородской первой летописи младшего извода)

Того же лЂта послаша новгородци владыку Василья къ великому князю Ивану с молбою; и приихалъ к нему въ Переяславль с Терентиемъ Даниловицемъ и с Даниломъ Машковицемъ, и давали ему 5 сот рублевъ, а свобод бы ся отступилъ по хрестьному целованию; и много моли его владыка, чтобы миръ взялъ, и не послуша.

Того же лЂта приихавъ владыка Василии от великаго князя Ивана, и поиха въ Плесковъ, и прияша его плесковици с великою честью: понеже не бывалъ бяше владыка въ Плеско†7 лЂт; и у князя Олександра крестилъ сына Михаила.

Сем же лЂтЂ въложи богъ въ сердце князю Литовьскому Наримонту, нареченому въ крещении ГлЂбу, сыну великого князя Литовьскаго Гедимина, и присла в Новъград, хотя поклонитися святЂи СофЂи; и послаша новгородци по него Григорью и Олександра, и позваша его к собЂ; и прииха в Новъгород, хотя поклонитися, мЂсяца октября; и прияша его съ честью, и цЂлова крестъ к великому Новуграду за одинъ человЂкъ; и даша ему Ладогу, и ОрЂховыи, и КорЂльскыи и КорЂльскую землю, и половину Копорьи въ отцину и в дЂдЂну, и его дЂтемъ.

Того же лЂта прииха митрополит Феогнастъ в Русь, бывъ въ ЦесариградЂ и в ОрдЂ.

В лЂто 6842 [1334]. Индикта въ 2, владыка Василии Ђздилъ к митрополиту в Володимирь.

Того же лЂта и город каменыи покрылъ владыка.

Того же лЂта прииде из Орды князь великыи Иванъ Даниловиць; и послаша к нему новгородци ВалъфромЂя Юрьевича, и прия их с любовию.

Тои же зимЂ прииха в Новъгород князь великыи Иванъ Данилович, в четверток на мясопустнои недЂли, мЂсяца февраля въ 16, на святого мученика Памфила.

В лЂто 6843 [1335]. Заложи архиепископъ Василии церковь святыя Богородица въ ЗвЂринцЂ, а Моисии владыка заложи церковь камену святого Въскресения на Деревяници, манастырь.

Того же лЂта заложи владыка Василии съ своими дЂтми, с посадникомъ Федоромъ Даниловицемъ и с тысячкым Остафьемъ и со всЂмъ Новымъгородом, острогъ каменъ по онои сторонЂ, от Ильи святого къ Павлу святому, при великомъ князи ИванЂ Даниловици.

Того же лЂта, по грЂхомъ нашимъ, бысть пожаръ в Руси: погорЂ город Москва, Вологда, Витебьско; и Юрьевь нЂмечкыи всь погорЂ.

Того же лЂта князь великыи Иванъ хотЂ ити на Плесковъ с новгородци и со всею Низовьскою землею, и бысть ему по любви рЂчь с новгородци, и отложиша Ђздъ; а плесковицемъ миру не даша.

Того же лЂта сверши владыка Василии церковъ святую Богородицю въ ЗвЂринци, а Моисии другую святого Въскресения каменую.

Того же лЂта, великому князю Ивану приихавшю в Торжокъ из Новагорода, воеваша Литва Новоторжьскую волость на миру; и пославъ князь великыи, пожже городкЂ Литовьскыи ОсЂченъ и Рясну и иных городковъ много.

Того же лЂта князь великыи позва владыку к собЂ на Москву на честь, и посадника и тысячкого и вятших бояръ; и владыка Василии Ђздивъ, и чести великои много видилъ. Тои же осени внесе лед и снЂгъ [в] А Вълъхво, и вышибе 15. городень великаго мосту; то же, богъ вЂсть, или казня нас или милуя. [Не далъ богъ кровопролитиа] А промежи братьею: наважениемъ диявольскым сташа си сторона и она сторопа, доспЂвше въ оружьи противу себе оба полъ Волхова; нь богъ ублюде и снидошася в любовь.

В лЂто 6844 [1336]. Заложи владыка Василии церковь камену Входъ Иерусалима господа нашего Исуса христа, гдЂ теремець былъ, мЂсяца июня въ, на память святыя Февроньи.

Того же лЂта свершиша мостъ новъ чресъ Волхово.

Того же лЂта поиде князь великыи Иванъ в Орду.

В то же лЂто боголюбивыи архиепископъ Василии святую СофЂю тыном новымъ отыни, а у святЂи СофЂи двери мЂдяны золочены устроилъ.

Того же лЂта погорЂ Плесковъ весь, что ни есть дворовъ за стЂною и церквии.

В лЂто 6845 [1337]. Индикта 5 наважениемь дияволимь сташа простая чадь на архимандрита Есифа, а думои старого архимандрита Лаврентия, и створиша вЂче, и запроша Есифа въ церкви святого Николы; и сЂдоша около церкви нощь и день коромолници, стрегуще его. А оже кто подъ другомъ копаеть яму, самъ впадется в ню.

Тои же зимы розратися князь великыи Иванъ с новгородци, и посла рать на Двину за Волокъ, не помянувъ крестнаго цЂлованиа, и тамо крестъною силою посрамлени быша и ранени.

Того же лЂта поиха владыка Василии въ Плесковъ на подъЂздъ, и плесковици суда не даша, и владыка поиха от них, проклявъ их.

Того же лЂта Москва вся погорЂ; и тогда же наиде дождь силенъ, и потопе все, иное в погребех, иное на площадех, что гдЂ выношено.

Того же лЂта и Торопець погорЂ и потопе.

Того же лЂта поЂха князь Олександръ изъ Плескова въ Орду, бывъши въ Плеско†10 лЂт.

Того же лЂта свершена бысть церковь Входъ въ Иерусалимъ господа нашего Исуса христа, и священа бысть пресвященнымъ архиепископомъ Васильем мЂсяца септября 21, святого мученика Кондрата, и бысть крестияномъ прибЂжище; а поставлена бысть въ 9 недЂль.

Тои же зимы КорЂла, подведше НЂмець, побиша Русь новгородцовъ много и ладожанъ гостии и кто жилъ крестиянъ в КорЂлЂ, а самЂ побЂжалЂ в НЂмечкыи городокъ и потом много посЂкоша крестиянъ изь НЂмечкого городка.

В лЂто 6846 [1338]. Бысть вода велика в ВолховЂ, яко же не бысть бывала николи же, по велицЂ дни на 3 недЂли въ среду, и снесе великого мосту 10 городенъ; тогда и Жилотужьскыи мостъ снесе и створися зла много.

Того же лЂта повелЂ владыка Василии писати церковь Вход Иерусалимь господа нашего Исуса христа Исаю ГрЂчину с другы, мЂсяца мая въ 4, на память святого священномученика Селивана; въ тои же день нача писати.

Тои же веснЂ Ђздиша новгородци с посадникомъ Федоромъ в Неву, и стояша под ОрЂховымъ, съсылающеся послы с воеводою нЂмечкымъ съ СтЂнемъ, и не бысть миру; нь тако А възвратишася новгородци в Новъгород. Воеваша НЂмцЂ с КорЂлою много по Обонижью, послЂже и Ладогу пожгоша, пригонивше, посадъ, нь города не взяша. Потомъ же ходиша молодци новгородстЂи с воеводами и воеваша городецьскую КорЂлу нЂмечкую и много попустошиша земли их и обилье пожгоша и скот иссЂкоша, и приидоша вси здрави с полономъ.

Того же лЂта приходиша НЂмци из городка воеватъ на Толдогу, и оттолЂ хотяху на Водскую землю, и не взяша ничто же: остерегли бо ся бяху, нь выщедши копорьянЂ с Федоромъ Васильевичемь, и биша я; и убиша ту МихЂя КопорьянЂна, мужа добра, а под Федоромъ конь раниша, нь самому не бысть пакости, выихалЂ бо бяху в малЂ. Князь же Наримантъ бяше в ЛитвЂ, и много посылаша по него, и не поЂха, нь и сына своего выведе изъ ОрЂхового, именемь Александра, токмо намЂстьникъ свои остави.

Того же лЂта дЂлаша мостъ новъ, что было вышибло, повелЂниемъ владыкы Василья; самъ бо владыка присталъ тому, и почалъ и кончалъ своими людьми; и много добра створи християномъ. Князю же Александру бысть пожалование от цесаря, и прииде из Орды въ свою отчину во ТфЂрь; и пославъши въ Плесковъ, выведе княгиню свою к собЂ и дЂти.

Того же преставися анхимандритъ ЛаврентЂи святого Георгиа, и посадиша Есифа.

Тои же зимы прислаша послы из нЂмечкого городка из Выбора о миру в Новъгород от Петрика воеводЂ, ркуще, яко князь свЂискыи того не вЂдаеть, что учинилося розмЂрье с Новымъгородомъ, нь то подЂялъ СтЂнь воевода о своемь умЂ. Новгородци же послаша Кузму Твердиславица и Олександра Борисовица посольством, и привезоша миръ, доконцавше по тому миру, что доконцали с великымъ княземъ Юрьемь в НевЂ, а про Кобыличкую Корилу послати къ свЂискому князю.

В лЂто 6847 [1339]. Ходи князь великыи Иванъ в Орду; его же думою приславше Татарове, позваша Александра и Василья Давыдовица Ярославьскаго и всЂх князии в Орду. Князь же Александръ бЂ послалъ преже себе в Орду сына своего Федора, чая оттолЂ вЂсти; и присла по него цесарь, и поиде в Орду, и Василии Ярославьскыи, на нь же посла Иванъ князь, тесть его, въ 5 сот переимать, нь отбися их; уже бо бяше князь Иванъ из Орды вышелъ, и послаша к нему новгородци послы.

Того же лЂта бысть знамение, мЂсяца августа въ 13, у святого Лазаря от иконы святыя богородица на вечернии изъ обЂю очью яко слезы течаху, и подъставиша 2 вощаници; наутрЂя же увЂдавше город всь, игумены и попове съ причетникы в ризахъ съ кресты ходиша видЂти.

Того же лЂта послаша новгородци Кузму Твердиславля и Олександра Борисовича с другы, а от владыкы сестрицича его МатфЂя за море къ свЂискому князю посольствомъ; и наихаша его в Мурманьскои земли, в городЂ Людовли, и доконцаша миръ по старым грамотамъ; а про Корилу тако ркоша:

«аще к вамъ наши бежат, сЂките их или вЂшаите; или ваши к намъ, мы же тако имъ створимъ, дажь не польстят промежю нами; а сих не выдадимъ: крещени суть в нашю вЂру; а и бес того мало бЂ их осталося, а то вси помроша гнЂвом божиимъ».

Ко князю же Ивану послаша Селивестра Волошевича и Федора Оврамова с выходом. Князь же присла послы свои, прося другого выхода:

«а еще даите ми запросъ цесаревъ; чого у мене цесарь запрошалъ»;

и они ркоша:

«того [у насъ] А не бывало от начала миру, а ты цЂловалъ крестъ к Новугороду по старои пошлинЂ новгородчкои и по Ярославлимъ грамотамъ».

Того же лЂта концаша церковъ владычню пишюче. Тои же осени, мЂсяца октября въ, погорЂ околотокъ от святого Володимира.

Того же мЂсяца въ 29 убиша князя Олександра и сына его Федора в ОрдЂ погании Татарове: призвалъ бо его бяше цесарь Озбякъ с лестью, хотя и убити, тако рекъ: «хощеть тя цесарь жаловати»; оному же послушавъшю поганаго льстивых словесъ и пришедшю и убиена быста, приимша горкую и нужную смерть.

Тои же зимЂ выведе князь великыи Иванъ Данилович намЂстникы свои из Новагорода, и не бЂ ему миру с Новымгородом

В лЂто 6848 [1340]. Преставися князь великыи Иванъ Данилович на МосквЂ, в чернцех и въ скимЂ; и поидоша вси князи в Орду…

(Конец вставки)

Оригинал №1 Оригинал №2

Оцени статью - помоги проекту:
(Без рейтинга)
Загрузка...

Опубликовано: 27.04.2021
Изменено: 30.05.2021

Чесноков Константин Иванович
Биограф, историк, публицист
Добрый день! Интересуюсь историей ещё со школы и убеждён, что изучение биографий выдающихся личностей не только обогащает знаниями, но и помогает лучше прочувствовать дух разных эпох.

Помните совет Ломоносова: "Народ, не знающий своего прошлого, не имеет будущего"
P.S. Найти наши статьи в Google и Яндекс легко - просто набери в конце запроса "информарус", например:
"внешняя политика княгини Ольги информарус"